Një postim i publikuar pesë vite më parë në rrjetin social X është bërë viral rrjet gjatë orëve të fundit, pasi në të është parashikuar një finale e Kupës së Botës 2026 mes Argjentinës dhe Spanjës. Postimi, në të cilin është parashikuar dhe rezultati 3 me 2 në favor të Argjentinës, u shpërnda me shpejtësi pas fitores 2-0 të Spanjës ndaj Francës në gjysmëfinale, ndërsa mori edhe më shumë vëmendje pas triumfit 2-1 të Argjentinës ndaj Anglisë, rezultat që vulosi përballjen mes dy skuadrave në finalen e madhe. Postimi, i publikuar më 12 korrik 2021 nga një përdorues që e prezantonte veten si "udhëtar në kohë", shkruante: "Argjentina sapo e mposhti Spanjën 3-2 në finalen e Kupës së Botës 2026." Mesazhi është bërë viral në rrjetet sociale, duke nxitur mijëra reagime dhe komente me humor. "Si e dinte?", është një nga pyetjet që është shpërndarë më shumë nga përdoruesit.