Modeli i ri i iPhone i fundit pritet që të dalë në tregun europian jo me karikuesin tradicional të përdorur nga Apple deri më tani, por me fishë USB-C. Një ligj i Bashkimit Evropian kërkon që prodhuesit e telefonave të miratojnë një lidhje të përbashkët karikimi deri në dhjetor 2024 për të kursyer paratë e konsumatorëve dhe për të ulur mbetjet. Shumica e produkteve të reja të Apple, si iPad-ët e fundit tashmë përdorin USB-C, por firma kundërshtoi fillimisht e vendimin e BE për telefonat. Kur u prezantua në shtator 2021, një përfaqësues i Apple tha se rregullorja e rreptë që detyron vetëm një lloj lidhësi mbyt inovacionin në vend që ta inkurajojë atë, gjë që nga ana tjetër do të dëmtojë konsumatorët në Europë dhe në mbarë botën". Apple pritet që të prezantojë serinë e re të iPhone më datë 12 shtator.