Një alpinist vdiq dhe qindra të tjerë u shpëtuan pas reshjeve të dendura të borës që erdhën papritur në Rrafshnaltën Tibetiane dhe pranë Malit Everest në anën kineze, raportuan mediat shtetërore. Një alpiniste e re, e cila u shpëtua të hënën, i tha AFP-së se kishte qenë në një udhëtim disa-ditor me tre miq dhe një guidë lokale në Luginën Karma në rrëzë të Everestit në Tibet në një lartësi prej gati 5,000 metrash. Reshjet e dendura të dëborës gjatë natës së shtunës deri të dielën varrosën kampin e tyre. "Na u desh të pastronim vazhdimisht borën por unë u shemba nga lodhja dhe tenda ime u varros nën borë", tha ajo. Pas dy ditësh ecjeje, gjatë të cilave "ndihmësit pastruan shtegun", grupi u kthye në qendrën e shpëtimit.