Një tjetër shpërthim Arktik pritet të prekë pjesën më të madhe të Shteteve të Bashkuara edhe pse autoritetet lokale kanë luftuar për të pastruar rrugët nga bora dhe akulli prej disa ditësh nga kalimi i një stuhie gjigante. Shërbimi Kombëtar i Motit tha se erërat polare do të zbresin nga Rrafshnaltat Veriore përgjatë Midëest-it dhe përgjatë Bregut të Gjirit, me një stuhi të konsiderueshme që pritet të sjellë më shumë reshje të dendura dëbore në pjesë të juglindjes së SHBA-së deri në fundjavë. Rekordet e temperaturave të ulëta mund të thyhen, veçanërisht në Florida, tha agjencia, duke paralajmëruar për ndikime në të gjithë shtetin mbi popullatat e cenueshme, si dhe industrinë thelbësore bujqësore. Temperaturat e ftohta në shtetin kryesisht subtropikal mund të "trondisin" iguanat, duke bërë që ato të bien nga pemët.