Kosova duhet të presë që aplikimi për anëtarësim në Këshillin e Evropës të shqyrtohet në majin e vitit të ardhshëm. Edhe pse pritej që Kosova të ishte pjesë e mbleshjes, gjatë seancës Komitetit të Ministrave, e cila u mbajt në Torino të premten, kërkesa Prishtinës u la jashtë agjendës. Vendimi i Qeverisë së Kosovës për të aplikuar për anëtarësim të enjten e kaluar është pritur me nota proteste nga Serbia e cila ka bërë të mundur të mbajë Prishtinës jashtë kësaj mbledhjeje. Ministri i Jashtëm serb Nikola Selakovic, i cili ishte pjesë e mbledhjes së Komitetit të Ministrave mësohet se ka lobuar kundër futjes së Kosovës në agjendën e Komitetit. Ai është takuar me ministren e Jashtme të Islandës Thordis Kolburn, e cila udhëhiqete mbledhjen, duke i kërkuar të mos e vintë në diskutim çështjen e anëtarësimit të Republikës së Kosovës në Këshillin e Evropës.