Gjykata e Apelit ka rrëzuar kërkesën e Princ Dobroshit, bosit shqiptar të drogës në Evropë të njohur me nofkën ‘Peshkaqeni’, i cili refuzon të ekstradohet drejt Gjermanisë. Apeli la në fuqi vendimin për ekstradimin e Princ Dobroshit në Gjermani, i shpallur në kërkim për trafikim të lëndëve narkotike. Pak ditë më parë Prokuroria e Posaçme vendosoi sekuestrimin e disa pasurive të luajtshme dhe të paluajtshme të Princ Dobroshit dhe Olsi Syziut, të cilët kanë lidhje krushqie me njëri-tjerin janë nën hetim pasuror nga autoritetet gjermane, si dhe të personave të lidhur me ta. SPAK në total ka sekuestruar dhjetë llogari bankare me gjendje në total rreth 133 mijë Euro, një banesë në Gjirin e Lalzit, dy apartamente në Rezidencën “Kodra e Diellit”, një apartament tek “Liqeni i Thatë”, një automjet i markës “Volvo”, dhe një shoqëri tregtare.