Ish deputeti socialist Alqi Bllako do të qëndrojë në burg. Apeli I GJKKO vendosi sot konfirmimin e vendimit të Shkallës së Parë, pra “Arrest me burg”. Kështu është vendosur rrëzimi I kërkesës së bërë nga ish deputeti. Bllako ka ripërsëritur në seancë se nuk ka asnjë lidhje me shpronësimin e tokës për inceneratorin e Fierit. Për punësimin e babait në inceneratorin e Tiranës, ai ka thënë se në atë periudhë nuk ka qenë në Ministrinë e Mjedisit por ka qenë i punësuar në Presidencë. Bllako kishte kërkuar masë më të butë me pretendimin se nuk shfaq rrezikshmëri.