Apeli GJKKO ka rikthyer në qeli biznesmenin Ervis Lami, pas ankimimit të SPAK, e cila kërkoi ndryshim të masës, pasi ai u la në arrest shtëpie. Ndaj tij gjykata zbuti masën e sigurisë nga arrest me burg në arrest shtëpie më 14 qershor. Ka qenë gjyqtarja Saida Dollani, e cila ka pranuar ankimin e bërë nga SPAK, që kërkoi rikthimin në qeli të Lamit. Ky i fundit u mbajt në burg për tre muaj lidhur me hetimet qe po kryente SPAK per ARRSH, ku në burg janë edhe Evis Berberi si dhe Valter Begaj. Ai u arrestua së bashku me Berberun dhe Begajn mbrëmjen e 13 marsit 2024 me urdhër të SPAK, e cila ka ngritur auzat për korrupsion dhe pastrim parash. Sipas akuzës Evis Berberi gjatë kohës që ka qenë në krye ARRSH ka dhënë 6 tenderë kompanisë së ortakut të tij, ku ka përfituar të paktën 2.2 milionë euro. Ai ka bashkëpunuar me Valter Begaj dhe Ervis Lamin në tendera dhe shitje fiktive. Më herët SPAK sekuestroi kompaninë ‘DAAM’ dhe 5 sipërfaqe toke të kësaj kompanie, ku Lami reszulton administrator.