Mjeku i njohur infeksionist, Tritan Kalo, e nis këtë mëngjes me një mesazh të fortë për të gjithë qytetarët, por edhe politikanët, teksa vendi po përballet me pandeminë e koronavirusit. Ai thotë se kryefjala e përpjekjeve tona dhe atyre mbarëbotërore është përpjekja në përballjen me flamën e shkaktuar prej infeksionit nga Sars-Cov2/Covid-19”. Por, teksa bën thirrje që të mos shpërndahen vetëm informacione terrorizuese, dhe që politika të mos merret vetëm me mbushjen e xhepave, Kalo thekson se Shqipëria e këndej dhe andej Drinit ndodhet në tehun e thikës të ekzistencës shëndetsore, ekonomike dhe politike mbarëkombëtare”. Mjeku bën një përmbledhje edhe të situatës ekonomike, shoqërore e sociale të vendit, teksa shkruan se për mbingarkesën dhe përpjekjet e agjensive ligjzbatuese për të siguruar rend dhe siguri në këtë katrahurë të imponuar prej kësaj “flame mbarëbotërore”. Duke dhënë një sugjerim edhe si mjek, Kalo shkruan më tej se jeta ka edhe përpjekjet për të lulëzuar jetët e atyre që gjenden në kushtet e vështirësive, që u imponon kufizimi fizik e mendor shumë individëve me aftësi të kufizuar në këto sfera të ekzistencës së qënieve humane në të imponuara prej kësaj “flame mbarëbotërore”.