Mjeku i njohur infeksionist, Tritan Kalo mëngjesin e kësaj të premteje e ka nisur me një thirrje për më shumë kujdes nga të gjithë qytetarët dhe kolegët. Kalo përmes një postimi në rrjetin social Facebook, shkruan se nuk është koha që të bëjmë gjithollogji, pasi krijohet tollovi mendore, si dhe nënçmojnë përpjekjet vetëmohuese të atyre, që në vijën e parë të përballjes me këtë flamë rrezikojnë jetën e tyre dhe të të afërmve të tyre. Ndër të tjera mjeku ka një kërkesë për të gjithë kolegët e tij duke kërkuar që të mos përfshihen dhe ndikohen nga politika. Ai thekson se është e rëndësishme që për të përballuar këtë pandemi duhet që të jemi të bashkuar. “Jemi aty në çdo moment për t’u kujdesur e vigjëluar mbi shëndetin tuaj….Durim, mendjekthjelltësi në zbatimin e masave për mbrojtjen tuaj dhe atyre që gjallojnë rreth jush: maskë, higjenë, distancim ….Mirekuptim dhe mirëbesim në veten tuaj dhe tek të gjithë mantelbardhët e punonjësit e tjerë të shendetësisë publike dhe jo vetëm, në përballjen me “këtë flamë” mbarëbotërore të shkaktuar prej infeksionit të sars-COV2/COVID-19….shkruan Kalo.