Një aksion i policisë në Shkodër ka zbuluar disa parcela ku kultivoheshin bimë narkotike kanabis sativa. Si rezultat i kontrolleve intensive në të gjithë territorin e qarkut, janë gjetu dhe asgjësur rreth 9 mijë bimë narkotike e cila dyshohet të jetë e llojit cannabis sativa. Konkretisht shërbimet e Komisariatit të Policisë Shkodër gjetën në territoret e njësive administrative Pult, Shosh, Postribë dhe asgjësuan rreth 5500 bimë kanabis, shërbimet e Komisariatit të Policisë Malësi e Madhe gjetën në territorin e njësisë administrative Kelmend dhe asgjësuan rreth 950 bimë kanabis, ndërsa në territorin e njësisë administrative Temal u asgjësuan rreth 2 mijë bimë kanabis. Sakaq u zbuluan bimë narktoike dhe në njësinë administrative Qelëz në Pukë dhe në njësinë administrative Iballë në Fushë Arrëz. Autoritetet njoftojnë se vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve kanabis.