Ankthi për Francesco Bagnaia pushton të gjithë. Piloti që kryeson klasifikimin në bpotërorin e MotoGP u përfshi në një aksident të frikshëm në startin e garës së Cmimit të Madh të Spanjës në Barcelonë. Gjithcka ndodhi në kthesat e para të pistës katalanase me Bagnaian që ndjeu që KTM i Brad Binder i kaloi mbi këmbë, një moment që ishte i pamundur të evitohej prej këtij të fundit. Komisarët e garës valëvitën menjëherë flamurin e kuq duke ndërprerë garën teksa në aksident u përfshinë edhe pilotë të tjerë, Alex Marquez, Bastianini, Zarco, Di Giannantonio e Bezzecchi, Bagnaia që ishte i ndërgjegjshëm, u transportua në një spital në Barcelonë për t’iu nënshtruar ekzaminimeve të tjera mjekësorë dhe bashkë me të ishte edhe Enea Bastianini, që rrëshkiti në kthesën e parë në një incident tjetër dhe që kishte probleme në gisht