Kryebashkiaku i Lezhës, Pjerin Ndreu kritikon zbatimin e aktit normativ për ndalimin e ceremonive martesore duke ngitur pretendimin se në qytetin e tij është bërë një ndalim selektiv. Teksa i bashkohet shqetësimit të pronarëve të lokaleve të dasmave në Lezhë, të cilët një ditë më parë protestuan për situatën e krijuar, Ndreu përmendi me emra qytetet e tjera të favorizuara. “Jam pro shqetesimit te pronareve te lokaleve te dasmave ne Lezhe. Qe ka diskriminim me qytetet e tjera eshte krejt e qarte. Gjithkush e di se dasmat ne Shkoder, Tirane, Durres, Vlore etj. nuk i ndalon askush. Shqetesimi yne eshte adresuar disa here. Dikush do dale te thoje se Akti Normativ thote kete dhe ate. Po dakord, po njelloj per te gjithe. Ose nje protokoll me numer te limituar pjesmarresish, sepse eshte shume e rende ti ndalosh dasmen tjetrit. Ata qe i shkruajne ca gjera si duket se kane haberin se ca dmth me te prishe dasmen…,”-shkruan në një postim në rrjetet sociale kryebashkiaku Ndreu.