Ministria e Mbrojtjes e Suedisë tha të martën se do t’i japë Ukrainës ndihma ushtarake në një vlerë rreth 680 milionë dollarë, që përfshijnë dërgimin e pajisjeve por edhe para për blerjen e armëve. Kjo do të jetë hera e 15-të që Suedia i dërgon ndihmë Ukrainës dhe pakoja më e madhe e ndihmës deri më sot, duke rritur në rreth 2.8 miliardë dollarë ndihmën e përgjithshme që i ka dhënë vendit që kur Rusia e filloi pushtimin e saj më 2022. “Ne do të vazhdojmë ta mbështesim Ukrainën për sa kohë që do të jetë e nevojshme”, tha ministri i Mbrojtjes i Suedisë, Pal Jonson. Paketa përfshin municione artilerie si edhe armë anti ajrore. Ajo po ashtu përfshinë mjete detare sulmi dhe mjete të tjera, si edhe armë nënujore si mina dhe dronë nënujorë. Si pjesë e paketës suedia do të japë edhe një sasi parash për blerjen e materialeve përmes fondeve ndërkombëtare për ukrainën si edhe një miliardë krona për blerjen e 10 mjeteve luftarake të blinduara që do të mbërrijnë në ukrainë në 2026.