Një cisternë rus nafte thuhet se është ndarë në gjysmë dhe një tjetër është dëmtuar nga dallgët e fuqishme pranë Kerçit në Detin e Zi, në brigjet e Krimesë të dielën. Autoritetet ruse konfirmuan se kishin nisur një operacion shpëtimi për dy anije, njëra prej të cilave mbante mbi 4000 ton naftë. Ministria ruse e Emergjencave për Krimenë shkroi në Telegram se kishte dërguar një helikopter Mi-8 dhe një rimorkiator shpëtimi në zonë për të ndihmuar ekuipazhin dhe për të hetuar mundësinë e një derdhjeje nafte. Në bordin e cisternës Volgoneft 212, e cila u dëmtua rëndë, ndodheshin 13 persona, dhe 14 persona në një anije të dytë, Volgoneft 239, e cila po lëvizte pas dëmtimit, tha ministria. Në mediat sociale është postuar një video e incidentit të dielën në mëngjes, nën të cilën shkruhet "Dallgët e ndanë në gjysmë cisternën ruse "Volgoneft-212" pranë brigjeve të Kerçit. Ajo mbante katër ton naftë, 15 anëtarë të ekuipazhit përfunduan në det. Anija po fundoset me shpejtësi. Mediat ruse po ashtu tregonin trupin e një anijeje mbi ujë duke raportuar se personat në bord kanë pritur ndihmë për rreth katër orë. Në vitin 2007, cisterna ruse e naftës Volgoneft 139 u mbyt në rrethana pothuajse të ngjashme. Ajo gjithashtu mbante 4000 tonë naftë kur u nda në gjysmë në ngushticën e Kerçit, duke shkaktuar një derdhje të madhe nafte. Ujërat pranë Krimesë janë një fushë beteje kritike në luftën e vazhdueshme Rusi-Ukrainë. Kievi ka vënë në shënjestër flotën ruse të Detit të Zi gjatë pushtimit të plotë të vendit që filloi në shkurt 2022. Ukraina është zotuar të anulojë aneksimin nga rusia të krimesë që tani shërben si qendra logjistike qendrore e Moskës për forcat e saj në Ukrainën jugore.