Një anije greke kontejnerësh, është sulmuar nga Garda Revolucionare iraniane, gjatë lundrimit në Ngushticën e Hormuzit. Sulmi ndodhi në orët e para të së mërkurës 15 milje detare në veriperëndim të bregdetit të Omanit, disa orë pas njoftimit të Trump për të zgjatur armëpushimin. Sipas përditësimit nga Qendra Britanike e Operacioneve Tregtare Detare (UKMTO), luftanija iraniane iu afrua anijes greke dhe hapi zjarr pa paralajmërim, fatmirësisht pa shkaktuar lëndime në anëtarët e ekuipazhit. Anija ishte nisur nga porti Jebel Ali në Emiratet e Bashkuara Arabe, me destinacion Mudran, Indi. Sipas agjencisë gjysmëzyrtare iraniane të lajmeve Tasnim, anija ka injoruar paralajmërimet dhe se Teherani thjesht po “imponon ligjin” në rajon. Prej shumë javësh, Ngushtica e Hormuzit vijon të jetë ë bllokuar, duke e shndërruar transportin detar ndërkombëtar në një "peng" të gjeopolitikës.