Një shqiptar është dënuar me 15 vite burg pasi është akuzuar për shpërndarje kokaine dhe pastrim parash në Angli. Mediat britanike bëjnë me dije se ai është Ervin Patru, 43 vjeç. Ai u kap nga policia gjatë një operacioni në dhjetor 2020. Hetimi filloi pasi oficerët analizuan mesazhet e dërguara nga Patru në Encrochat, një platformë e koduar e mesazheve që u përdor kryesisht nga kriminelët dhe u rrëzua pas një hetimi në të gjithë Evropën. Nën pseudonimin ‘veteranbeer’, Patku shkëmbeu 14,000 rreshta mesazhesh në lidhje me shitjen e kokainës të Klasit A. U gjetën gjithashtu mesazhe që lidhnin Patru me një arrestim të mëparshëm kur një shtetasi shqiptar iu gjetën katër kilogramë kokainë. Mesazhi përmendi katër ‘pako’, të cilat iu kapën në shtëpi, megjithatë ai u shpreh i lehtësuar se bashkëpunëtori i tij nuk kishte folur. Patru u deklarua fajtor për të gjitha akuzat dhe u dënua të martën, më 22 qershor në Gjykatën e Harrow Crown, me 15 vjet burg.