Shqipëria ka përmbushur dhe tejkaluar standardet minimale të vendosura nga NATO për investimet në siguri përgjatë dekadës së fundit. Në këtë përfundim ka dalë Ambasadori i SHBA në NATO, Matthew Whitaker, që gjatë një interviste ne Fox Neës ka publikuar një tabelë përmbledhëse me të dhënat e mbështetjes financiare ndër vite që Shqipëria ka adresuar për ushtrinë dhe mbrojtjen. Në këtë tabelë, Shqipëria figuron me 570.3 milionë dollarë shpenzime për mbrojtjen, duke u renditur mes vendeve që kontribuojnë në barrën e përbashkët të sigurisë. Gjatë intervistës, Whitaker nënvizoi angazhimin e Shqipërisë në planin operacional dhe strategjik. “Mendoj se shumica e aleatëve tanë, në fakt të gjithë aleatët tanë në NATO, po na japin bazat, aksesin dhe mbështetjen ajrore që na nevojitet”, deklaroi ai.