Kanë kaluar 5 ditë dhe ende nuk ka asnjë gjurmë nga Edison Pula, shqiptari i cili u arratis nga burgu I Trevisos mëngjesin e 9 qershorit. Alberto Quagliotto drejtori i burgut, është përfshirë në hetime, ndërsa kërkon një panoramë më të qartë të ngjarjes. Mister mbetet, sharra e cila u përdor nga shqiptarët për të prerë hekurat e qelisë, ku më pas zbritën poshtë me anë të carcafëve të dyshekëve. Arratisja nga qelia nuk zgjati shumë për dy shqiptarët e tjerë të cilët u kapën menjëherë sapo lan qelinë, mirpo Pula humbi gjurmët që prej momentin kur zbriti poshtë burgut me caraf dhe ende nuk k asnjë informacion lidhur me vendndodhjen e tij. Nga ana tjetër, pyetja që ngrihet është, nëse Pula ka patur apo jo mbështjetje nga ndonjë grup tjetër brenda ambienteve të burgut të Trevisionin, që mund ta kenë ndihmuar atë në procesin e arratisjes. Mediat italiane shkruajnë se, ka dyshime të forta që 27 vjecarin e ndihmuan disa persona, për të bërë të mundur largimin e tij me automjet në një zonë larg Trevisos, ose edhe jashtë Italisë. Nga ana tjetër, Quagliotto ka nisur një apel për administratën e burgut. Ai kërkon përforcime, ose më saktë staf më të zgjeruar, për të parandaluar kështu një ngjarje të ngjashme si kjo e shqiptarëve. Sipas drejtorit, burgu i Trevisos ka 18 përqind më pak kapacitet sec duhet të kishte. Edison Pula, i njohur ndryshe ai ‘Anëtari i bandës së Niklës’, u arratis së bashku me dy shqiptarë të tjerë nga burgu i Trevisos, në orët e para të mëngjesit të së premtes.