Anëtarët e Partisë Demokratike votuan këtë të shtunë në referendumin për votëbesimin e Sali Berishës në krye të tyre. Procesi vijoi i qetë dhe pa probleme në 77 degët e partisë në mbarë vendin, teksa pjesëmarrja, sipas Komisionit të organizimit të zgjedhjeve brenda PD ishte mbi 55 për qind. Kreu i PD votoi në selinë qendrore të partisë, ashtu si një grup i madh deputetësh demokratë. Në fjalën e mbajtur pasi hodhi votën, Berisha u dha një premtim demokratëve. Referendumi, siç e quajnë demokratët, nxorri në pah pothuajse përgjysmimin e anëtarësisë së Partisë Demokratike, të paktën në letra. Në 2017, kjo parti numëronte mbi 100 anëtarë, në 2021 75 mijë, teksa në zgjedhjet e kësaj të shtune anëtarësia ishte 51 mijë. Deputetja e PD, Albana Vokshi tha se lëvizjet e shifrave të anëtarësisë do të shpjegohen në një moment të dytë.