Nga Shërbimi i Provës, ministri i drejtësisë, Ulsi Manja u ndal tek amnistia penale nga ku deklaroi se kjo nismë ligjore bazohet tek humanizmi dhe nuk ka për qëllim të amnistojë personat e dënuar me vendim të Gjykatës së Posaçme Kundër Korrupsionit dhe Krimit të Organizuar. “Është një amnisti e cunguar 95% e veprave penale që ka Kodi Penal janë të përjashtuara nga kjo amnisti. Në thelb kjo amnisti ka këto qëllime dhe askush nga ne nuk ka qëllim që të amnistojë asnjë person të dënuar nga GJKKO. Debati është bërë për një amendament që për të siguruar barazinë ka dhënë mundësinë që të përfitojnë 1 vit ulje dënimi burrat dhe një vit e gjysmë gratë që nuk përfitojnë nga amnistia e plotë. Ulja e dënimit nga amnistia nuk ta heq njollën. Quhesh i dënuar, por gjithsesi ky amendament nuk ka qenë. Ne kemi qenë të hapur për ta diskutuar sepse nga ky amendament nëse do të miratohet përfitojnë nga një muaj dhe tre muaj, tre ish-policë të dënuar nga GJKKO në Kukës.” Teksa mungesa e konsensusit mes pozitës dhe opozitës në Kuvend po mban pezull përfitimin e amnistisë nga gati 700 të dënuar, Manja dha këtë koment.