Policia e Vlorës pas ngjarjes së ndodhur mbasditen e djeshme, ku është grabitur duke thyer xhamin e makinës një cifti Italian dhe janë vjedhur së bashku me cantën një vlerë 2500 euro është vënë në ndjekje të autorit të dyshuar nga mbrëmja e djeshme dhe deri në momentin e arrestimit mbasditen e sotme në lagjen 28 Nëntori. Pasi e kanë ndjekur gjatë gjithë ditës autori i dyshuar ka vërejtur se po e ndiqnin dhe ka lënë makinën që lëvizte dhe ka tentuar të iki me vrap. Pas ndjekjes nga forcat e policisë për më shume se 10 minuta në lagjet e Vlorës është bërë i mundur arrestimi i tij. Sipas informacioneve i ndaluari rreth 35 vjeç, me mbiemër Myrtaj sapo ka dalë nga burgu duke përfituar nga Amnistia Penale para 10 ditësh. Polica po kontrollon makinën e tij si dhe cantën që ai la në makinë duke iu larguar me vrap policisë.