Brenda muajit korrik, amnistia penale do të kalojë në Kuvend, për t’i dhënë dritën jeshile vendimit që presin 12 mijë persona që përfitojnë nga falja ligjore. Nga konferenca për shtyp ku foli për fazën aktuale të reformës në drejtësi, ministri i Drejtësisë tha se puna me amnistinë do të nisë pas vlerësimit për “Themeloret” nga Komisioni Europian. Ministri Gogu komentoi edhe sugjerimin e Avokatit të Popullit për mbylljen e 5 burgjeve në vend, për shkak të kushteve që cenojnë dinjitetin njerëzore. Lidhur me numrin e lartë të paraburgimeve, i pyetur nëse ministria e Drejtësisë ka ndonjë strategji për uljen e shifrës 56.8%, ministri Gogu tha se për këtë do të ndihmojë vendimi unifikues i Gjykatës së Lartë.