Ministria e Mbrojtjes së Kosovës ka reaguar në lidhje me mundsinë e largimit të trupave amerikane nga Kosova, pas artikullit të publikuar nga gazeta gjermane Bild. Ministria e Mbrojtjes, është shprehur se nuk ekziston një mundësi e tillë, dhe se ky lajm i qarkulluar për largimin e trupave amerikane është një dezinformatë e përhapur nga aktorë të jashtëm që synojnë destabilizimin e vendit dhe Ballkanit Perëndimor. Sakaq, një zyrtar i NATO-s, i cili foli për ‘Anadolu’, tha se Shtetet e Bashkuara vazhdojnë të luajnë një rol themelor me kontributin e tyre të rrënjosur thellë në KFOR dhe aktualisht mbështesin misionin me më shumë se 600 trupa. “Zyrtarët amerikanë e kanë bërë të qartë angazhimin e tyre ndaj Aleancës, duke përfshirë praninë e SHBA-së në Evropë dhe nevojën që parandalimi dhe mbrojtja e NATO-s të mbetet e fortë”, tha zyrtari, ndërsa shtoi se SHBA-ja pret që aleatët e saj të NATO-s të bëjnë dhe të investojnë më shumë për sigurinë e përbashkët.