Dhjetëra mijëra njerëz marshuan nëpër Minneapolis të shtunën për të dënuar vrasjen e një gruaje nga një agjent i imigracionit amerikan, pjesë e më shumë se 1,000 tubimeve të planifikuara në të gjithë vendin këtë fundjavë kundër fushatës së qeverisë federale për deportim. Pjesëmarrja masive në Minneapolis, pavarësisht një ere të ftohtë dhe të fortë, tregon se të shtënat fatale të 37-vjeçares Renee Good nga një oficer i Zbatimit të Imigracionit dhe Doganave të mërkurën kanë rritur shumë zemërimin e njerëzve duke nxitur protesta në shumë qytete amerikane. Udhëheqësit demokratë të Minesotës dhe administrata e Presidentit Donald Trump, kanë ofruar versione krejtësisht të ndryshme për incidentin. Protestuesit që sipas departamentit të policisë së minneapolisit, ishin me dhjetëra e mijëra, thërrisnin emrin e gruas të vrarë dhe lëshonin slogane si ‘Hiqeni ICE nga rrugët tonë’ dhe ‘Pa drejtësi nuk ka paqe’.