Drejtësia belge ka dënuar dy ekspertë amerikane taksash, pas zbulimit të një skeme mashtrimi me dividentë, e konsideruar si mashtrimi më I madh tatimor I Evropës. Dy ekspertët e taksave që falsifikuan pagesat e dividentëve janë dënuar në Belgjikë me dy vite burg dhe janë urdhëruar të paguajnë 13.3 milionë euro dëmshpërblim. Ata u shpallën fajtorë për falsifikim dhe mashtrim në mars nga Gjykata e Apelit e Brukselit për një skemë mashtrimi që përdori boshllëqe tatimore për të mashtruar qeverinë belge me rreth 23 milionë euro. Dyshja e ekspertëve pritet të dali së shpejti në gjyq edhe në Danimarkë, ku akuzohen për një tjetër skemë mashtrimi, me dëm financiar qindra milionë euro. Sipas hetimeve, në vitin 2021, u zbulua se bankierët, investitorët dhe ndërmjetësit kishin mashtruar në 12 vende me rreth 150 miliardë euro.