Për muaj të tërë, amerika latine pa pjesën tjetër të botës të vuante ndërsa koronavirusi përhapej. Tani nuk është më një spektator. “Ajo është tani epiqendra e re”, thotë drejtori i sëmundjeve të transmetueshme në organizatën pan amerikane të shëndetësisë, Markos espinal. Disa muaj pasi u shfaq në një provincë të largët kineze, syri i kësaj stuhie virale është ndalur në amerikën latine. Ka rreth 920 mijë raste të konfirmuara koronavirusi dhe afro 50 mijë viktima në 33 shtetet e rajonit dhe shifrat janë në rritje e sipër. Ndërsa numri i ri i viktimave po bie në SHBA, Evropë dhe Azi, amerika latine tani është rajoni i vetëm në botë ku pandemia po arrin lartësi të reja. Ekspertët mendojnë se reagimet defektoze të qeverive, të kombinuara me situatën unike ekonomike dhe atë të shëndetit publik në amerikën latine, ka cuar në një ashpërsi të rrallë të pandemisë atje. Ekspertët janë thuajse në një mëndje po ashtu edhe për sa i takon opinionit se gjërat do të përkeqësohen atje. Kështu në Brazil është regjistruar rritja më e madhe ditore e viktimave deri më tani ndërkohë që peruja ka njoftuar për 6500 raste të reja. Brazili tashmë regjistron 27878 viktima nga koronavirusi duke u bërë vendi i pestë në botë për sa i takon jetëve të humbura në pandemi. Më shumë se 5.9 milionë raste të covid 19 janë raportuar tashmë në të gjithë botën e po ashtu të paktën 365 mijë viktima.