Për qeveritë dhe analistët e sigurisë, sulmi kibernetik nënvizoi se si satelitët mund të bëhen një objektiv kyç gjatë luftës. Ndërsa vendet dhe kompanitë ndërtojnë konstelacione satelitore, një numër në rritje qeverish po konkurrojnë për teknologji që mund të prishë apo edhe të shkatërrojë asetet e kundërshtarëve, jo vetëm në tokë, por edhe në hapësirë. Përfshirë bllokimin e sinjaleve, lazerët me fuqi të lartë për të verbuar sensorët e imazhit, raketat anti-satelitore dhe anije kozmike me kapacitet për të ndërvepruar me të tjerë në orbitë, teknologji hapësinore që ekspertët thonë se fuqitë kryesore si Shtetet e Bashkuara, Rusia dhe Kina mund t’i përdorin për të synuar satelitët e njëri-tjetrit. Një shembull ekstrem i një arme potenciale të hapësirës u vu në qendër të vëmendjes në fillim të këtij viti kur inteligjenca amerikane sugjeroi, sipas raportimit të CNN, se Rusia po përpiqej të zhvillonte një armë bërthamore kundër satelitëve të vendosur në hapësirë, një pretendim që Moska e ka mohuar. Një armë e tillë mund të ketë ndikime të gjera, shkatërruese, për shembull, mund tyë shkatërrojë satelitët ku bota mbështetet për të parashikuar motin dhe për t'iu përgjigjur fatkeqësive, apo edhe për të ndikuar potencialisht në sistemet globale të navigimit të përdorura për gjithçka, që nga bankat dhe transporti i ngarkesave e deri tek dërgimi i ambulancave. Dhe e gjithë kjo po ndodh në një epokë të re të përqëndrimit në hapësirë, ku SHBA dhe Kina po konkurrojnë për të derguar astronautë në Hënë dhe për të ndërtuar baza kërkimore atje ndërkohë që përparimet në teknologjinë e lëshimit të satelitëve nënkuptojnë një numër në rritje të aktorëve, përfshirë kundërshtarët e SHBA-së. si Koreja e Veriut dhe Irani, që po vendosin asete në orbitë. Dhe ndërsa rivalitetet gjeopolitike rriten në Tokë, ekspertët thonë se Pekini dhe Moska janë gjithnjë e më të interesuar në gjetjen e mënyrave për t'i mohuar SHBA-së, si vendi me më shumë kapacitete të lidhura me hapësirën, në tokë, aftësinë për t'i përdorur ato.