Dhoma Amerikane e Tregtisë ka lënë mënjanë gjuhën diplomatike dhe ka dalë hapur kundër projektligjit të qeverisë për paqen fiskale. Përmes një deklarate të publikuar pak orë para se Kuvendi të shqyrtojë në seancë plenare propozimin e Qeverisë, dhoma ka dalë me një deklaratë ku rendit gjashtë problematikat e projektit dhe rekomandon rishikimin e tij. Deklarata rendit si shqetësim cenimin e konkurrencës së ndershme, mundësisë reale për pastrimin e parave, uljen e cilësisë së administrimit tatimor, pasoja serioze ekonomike dhe fiskale, problemet ligjore dhe cenimit të parimeve themelore të taksimit dhe mungesën e transparencës e konsultimit publik të pamjaftueshëm.