Ambasadorja amerikane Yuri Kim ka udhëtuar përgjatë bregdetit të Jugut në një vizitë të parë, per tu njohur me resurset turistike dhe sfidat që turizmi po përballet në këtë periudhë të vështirë. Ajo zgjodhi te ndalonte në Sarandë dhe në Butrint, ku u prit nga autoritete lokale. Ambsadorja Kim u shpreh e befasuar me potencialin e gjithë vijës bregdetare, bukurinë jo vetëm natyrore, kulturore dhe arkeoligjike, por edhe investimet e shumta në funksion të turizmit. Nga Saranda, gjte takimit me kreun e bashkisë Ardian Gurma, znj. Kim tha se u gjend e mbrekulluar nga qyteti dhe se do të rikthehet serish. Ambasadorja rikonfirmoi përshtypjet në Butrint. Ekipi i menaxhimit të situatës lidhur me turizmin i prezantoi znj. Kim dhe stafit të saj përpjekjet e biznesit për të përshtatur strategjinë lokale me kushtet e reja për një turizëm që do të jetë i orientuar këtë vit te tregu vendas dhe drejt mbrojtjes së shëndetit të klientëve dhe ofruesve të shërbimeve.