Gjykata e Tiranës kalon për gjykim ccështjen në ngarkim të Ludjan Zaimit, efektivit që vrau në komisariat kolegun Çaush Saliasi. Ai akuzohet për vrasje me dashje dhe nuk përfiton gjykim të shkurtuar. Gjykatësi Sokol Pasha ka kërkuar një ekspertizë mjeko-ligjore të autorit, kjo sepse gjatë kontrollit në banesë, atij iu gjetën anti- depresantë seroquel, medikament që përdoret për të kuruar skizofreninë, çrregullime bipolare si dhe për probleme të tjera të rënda mendore. Mirëpo pretendimet se ka pasur probleme psikologjike janë rrëzuar nga ekspertiza. Tashmë ish-polici rrezikon 30 vite ose burg të përjetshëm sipas legjislacionit në fuqi.