Këshilli i Ministrave miratoi vendimin për më shumë siguri dhe mbrojtje për kreun e SPAK, atë të GJKKO dhe drejtuesin e Byrosë Kombëtare të Hetimit. Kështu u vendos që pika 3 e vendimit “Për procedurën e sigurisë së gjyqtarëve të gjykatave kundër korrupsionit dhe krimit të organizuar, të prokurorëve të Prokurorisë së Posaçme dhe drejtorit të Byrosë Kombëtare të Hetimit” të ndryshohet. Kështu të gjithë kryetarët e gjykatave kundër korrupsionit dhe krimit të Organizuar si dhe Drejtorit të BKH do të kenë truproja jo vetëm gjatë mandatit por dhe për një afat jo më shumë se 2 vite pas përfundimit të ushtrimit të kësaj detyre. Ndërsa për drejtuesit e SPAK shoqërimi do të bëhet për një afat jo më shumë se tre vite. Kështu Altin Dumani që I përfundon mandate në muajin dhjetor për tre vitet e ardhshme do të ketë shoqërues me qëllim garantimin e sigurisë. Vendimi vjen në një kohë kur në gjyqtarët, prokurorët dhe avokatët janë bërë bashkë dhe po kërkojnë më shumë siguri në dyert e gjykatave pas vrasjes së gjykatësit Astrit Kalaj në sallën e gjyqit.