Kryedemokrati, Enkelejd Alibeaj akuzoi për shpifje deputetin Sali Berisha. Duke i konsideruar deklaratat e tij, një refren të njohur të politikës të vjetëruar shqiptare, Alibeaj u shpreh se ligji i Dosjeve do të vendosë në vështirësi të gjithë ish komunistët dhe ish bashkëpunëtorët e sigurimit të shtetit që përdorën për vite me rradhë politikën si mburojë. Alibeaj: Akuzat dhe shpifjet në gojën e Sali Berishës, janë refren i njohur në politikën shqiptare. Vazhdoj ti mbetem bindjes se një gjuhë e tillë meriton përçmimin dhe neverinë që tashmë shqiptarët dinë tja japin politikës së vjetëruar. Ajo që Sali Berisha e quan bashkëpunim për ligjin e dosjeve, është thëngjilli që i djeg ish-komunistëve dhe ish-bashkëpunëtorëve të sigurimit të shtetit, që për vite me rradhë përdoren PD-në dhe të djathtën si mburojë të tyren. Akuzat ndaj familjarëve, janë pikërisht rrjedhojë e shkollës politike të komunizmit dhe biografive, që për dhjetra vite persekutuan shqiptarët.