Një fjalim të gjatë kushtuar algoritmit dhe zhvillimeve të fundit politike në vend, ishte ajo se çfarë foli kryeministri Edi Rama në Asamblenë e Përgjithshme të Komeve të Bashkuara. I ashtëquajturi revolucion i Flamingove zuri një hapësirë në fjalën e Ramës, i cili tha se gjithçka nisi si pasojë e dezinformimit në rrjetet sociale. Shqipëria e ka përjetuar drejtpërdrejt një gjë të tillë dhe jam i sigurt që ju i keni ndjekur ose thjesht keni mësuar për të ashtuquajturin revolucion të flamingove. Narrativa e trilluar e një pushtimi izraelit të bregdetit shqiptar. Një pushtim që kurrë nuk ndodhi. U fabrikua, u personalizua e u përcoll përmes zërave, faqeve e kanaleve të cilave qytetarët u besonin tashmë. Një qytetar mori një histori të një tradhtie kombëtare, tjetri dëgjoi një histori të një provokimi fetar, ndërsa tjetri përftoi konspiracionin e një pushtimi të huaj. Trillime të ndryshme hyjnë në botë të ndryshme emocionale, të gjitha në shërbim të së njëjtës gënjeshtre strategjike. Pasojat ishin reale. Qytetarët kishin arsyet e tyre për të protestuar, mos më keqkuptoni, por befas nisën të protestonin edhe kundër një armiku fantazmë.