Deputetja demokrate Orjola Pampuri, ka reaguar ashpër ndaj ish-kryeministrit Sali Berisha dhe kreut të grupit Gazment Bardhi, të cilët akuzuan Lulzim Bashën se po bashkëpunon me Edi Ramën. Në një postim në rrjetet sociale, Pampuri drejtuar kundërshtarëve në brenda partisë shkruan: “Natën marrin leje ndërtimi nga Edi Rama për kullën 64 kate, dhe ditën dalin e sulmojnë PD për llogari të Edi Ramës. Opozita e vërtetê është ajo që lufton për hallet e qytetarëve dhe jo ajo e oligarkeve të përbashkët që i mban dhe i financon! Opozita e vërtetë janë ata që çdo ditë janë pranë qytetarëve, dhe jo opozita e kullave dhe e marrëveshjeve të fshehta!” Më tej deputetja demokrate hedh akuza se bashkëpunimet me Berishën nga Berdhi e mbështetësit e tij, vijnë si pasojë e kalkulimeve për zgjedhjet e 2025, për të marrë ndonjë post. Por pavarësisht kësaj, shprehet Pampuri, ata nuk mund të mbajnë peng demokratët. “Aleanca e kullave dhe e non gratave nuk do ta mbajë dot peng PD dhe demokratët.”, mbyll reagimin e saj deputetja demokrat.