Kryeministri i Kosovës, Albin Kurti ndodhet në Bruksel, ku po vazhdon takimet me krerët e Bashkimit europian. Përmes një postimi në Tëitter ai njoftoi se u takua me sekretarin e prgjithshëm të Natos, Jens Stoltenberg, ku theksoi rëndësinë e prezencës së Natos në Kosovë si dhe shtoi se anëtarësimi i vendit në këtë aleancë do ta bënte rajonin dhe Evropën "më të sigurt”. Mësohet se më vonë, Kurti do t do të takohet me presidenten e Komisionit Evropian, Ursula von der Leyen, me komisionerin për Zgjerim dhe Fqinjësi, Oliver Varhelyi si dhe me shefin e diplomacisë së BE-së, Josep Borrell. Gjatë vizitës së tij të parë në Bruksel si kryeministër i Kosovës, pritet që të marrë pjesë edhe në një seancë të Komisionit për Politikë të Jashtme të Parlamentit Evropian. Qeveria e Kosovës ka njoftuar se Kurti është takuar edhe me të dërguarin e posaçëm të BE-së për dialogun Kosovë-Serbi, Miroslav Lajçak, dhe ka thënë se dialogu do të jetë parimor dhe i përgatitur mirë. Po ashtu ai ka lajmëruar se nuk do të marrë pjesë në takimin e 11 majit me me presidentin e Serbisë, Aleksandar Vuçiq datë kjo e cila është përmendur nga përfaqësuesi i lartë, Borrel, duke thënë se nuk mund të merr pjesë në një takim për të cilin nuk ka dhënë konfirmimin. Dialogu ndërmjet Kosovës dhe Serbisë, me ndërmjetësimin e BE-së ka nisur më 2011. Ky proces, sipas Brukselit zyrtar, ka për qëllim normalizimin e plotë të marrëdhënieve ndërmjet Kosovës dhe Serbisë.