Qindra shkencëtarë kryesorë të klimës në botë presin që temperaturat globale të rriten në të paktën 2.5C këtë shekull, duke shkatërruar objektivat e dakorduara ndërkombëtarisht dhe duke shkaktuar pasoja katastrofike për njerëzimin dhe planetin, shkruan the Guardian në një sondazh. Shumë nga shkencëtarët parashikojnë një të ardhme me zi buke, konflikte dhe migrim masiv, të nxitur nga valët e të nxehtit, zjarret, përmbytjet dhe stuhitë me një intensitet dhe frekuencë shumë më të madhe se ato që kanë goditur tashmë. Ekspertë të shumtë thanë se kishin mbetur të pashpresë, të indinjuar dhe të frikësuar nga dështimi i qeverive, por insistuan se lufta klimatike duhet të vazhdojë, sado që temperatura e lartë globale të rritet, sepse çdo pjesë e një shkalle e shmangur do të reduktonte vuajtjet njerëzore.