Policia dhe inteligjencia britanike janë vënë në alarm, pas zbulimit të nje atentati për vrasjen e Mbretëreshës Elizabet Jeta e monarkes u vendos në rrezik në Kështjellën Ëindsor, gjatë ditës së Krishtlindjes. Autoritetet arrestuan një adoleshent, i cili synonte të vriste monarken britanike me një hark dhe shtizë. Madje, për këtë kishte publikuar dhe një video, të siguruar nga gazeta “The Sun”, në të cilën shfaqet i maskuar duke thënë se dëshiron “të vrasë Mbretëreshën”, në një mision “hakmarrjeje”. Policia britanike konfirmoi se hetuesit po “shqyrtojnë përmbajtjen e materialit filmik” pas arrestimit të një 19-vjeçari nga Southampton. Megjithatë, nuk ka dhënë detaje të tjera për autorin. Pallati Buckingham ka refuzuar të komentojë incidentin. I dyshuari konsiderohet si një person me probleme mendore. Fillimisht, personeli i kështjellës dyshoi se bëhej fjalë për një person që kishte shkelur perimetrin e sigurisë. Por, më pas zbuluan armën dhe videon e adoleshentit.