Kryeministri i Kosovës, Albin Kurti, ka paralajmëruar të dielën se Kosova nuk ka problem më të madh se ai i raportit me Serbinë. Shefi i ekzekutivit të Kosovës thotë në një intervistë për gazetën malazeze “Pobjeda”, ka se Serbia po kopjon Rusinë, duke punuar që të shkatërrojë sovranitetin e shteteve që nuk janë pjesë e BE-së. “Problemi ynë më i madh është Serbia, e cila as nuk mund ta mendojë e as ta pranojë Kosovën si shtet të barabartë dhe fqinj”, ka thënë Kurti.Ai e ka akuzuar Serbinë për sjellje armiqësore edhe ndaj shteteve tjera të dala nga ish-Jugosllavia. “Serbia po sillet në Ballkanin Perëndimor sikur Rusia me fqinjët e saj: entitetin e Republikës Serbe në Bosnjë tenton ta shndërrojë në Bjellorusi, ndërsa Malin e Zi në Ukrainë. Në thelb, Serbia nuk e njeh shtetësinë e vendeve që nuk janë anëtare të Bashkimit Evropian – Bosnjën dhe Hercegovinën, Malin e Zi, Kosovën, e madje as Maqedoninë e Veriut.”, ka thënë Kurti. Ai po ashtu qartësoi se nuk do të ketë themelim të Asociacionit të Komunave Serbe, meqë sipas tij, është në kundërshtim me nenin 23 të Kushtetutës së Kosovës.