Japonia është një nga vendet me aktivitetin më të lartë sizmik në botë, si dhe vendi I cili është përballur me tërmetet më të forta ndër vite. Së fundmi autoritetet kanë paralajmëruar për një tjetër tërmet, siç në mediet ndërkombëtare, cilësohet si mega tërmet. Pas tërmetit të së enjtes, prej 7.1 shkallësh, I cili shkaktoi 14 të plagosur, autoritetet kanë thënë se Japonia do të mund të përballet me ndonjë tërmet tjetër të madh. Për këtë njerëzit janë dyndur supermarketeve për të blerë e magazinuar ushqime por edhe mjete të ndryshme që përdoren në raste katastrofash. Përballë këtyre zhvillimeve, autoritetet në Japoni u kanë bërë thirrje njerëzve që të shmangin magazinimin e gjërave, pas paralajmërimeve për mundësi të një megatërmeti. “Kufizimet potenciale në shitje do të mund të zbatohen”, është thënë në paralajmërim, dhe që do të përcaktohet sasia e ujit që mund të blihet, për shkak të blerjeve joracionale. Të tjerë kanë thënë se janë të shqetësuar, mirëpo nuk janë duke menduar për tërmetin, sepse nuk i ndihmon situatës.