A mund të mbijetojë Europa pa naftë dhe gaz nga Rusia? Çfarë hapash duhet të ndërmarrë kontinenti derisa të gjenden burime alternative të besueshme energjie? Këto pyetje shqetësojnë qeveritë e 27 vendeve të unionit, të cilat po përpiqen me padurim të shmangin një krizë katastrofike, si dhe skenarin e ndërprerjes së energjisë elektrike. Në një rast të tillë, rreziku për të shkaktuar një tronditje të paprecedentë dhe të paparashikueshme në ekonomitë dhe shoqëritë evropiane është jashtëzakonisht i lartë. Kjo, në fund të fundit, është arsyeja e vërtetë pse embargoja ndaj importeve të naftës ruse është kaq e ndërlikuar dhe kërkon kohë. Të paktën katër vende nuk janë pajtuar publikisht me planet e Komisionit: Hungaria, Republika Çeke, Sllovakia dhe Bullgaria. Por zgjedhja nuk është aspak e thjeshtë, pasi nga rreth 155 miliardë metra kub gaz janë blerë nga vendet anëtare të BE nga Rusia vitin e kaluar.