Policia malazeze tha se ishte njoftuar për disa raportime për bomba, në disa shkolla në vend, por edhe në ndërtesën e kuvendit, e cila si pasojë u evakuua. Policia informoi në tëitter se lidhur me rastin janë marrë masat dhe veprimet e nevojshme ndërsa hetimet po vazhdojnë. Raportet për mjete shpërthyese janë marrë me e-mail, shkruan gazeta malazeze “Pobjeda”. Sipas informacioneve të gazetës, raportime për bomba ka patur në shkollat fillore "Maksim Gorki", "Oktoih" dhe "Vuk Karaxhiq" në Podgoricë, si dhe në shkollën fillore "Olga Goloviq" në Nikshiq, ku nxënësit janë kthyer pas. Gjithashtu, në shkollën fillore "Dasho Pavičić" në Herceg Novi është marrë një raportim për bombë dhe drejtoria e shkollës ka njoftuar prindërit që të shkojnë të marrin fëmijët. Janë evakuuar ndërkohë edhe shkollat në Tivar.