2383 raste të reja dhe 3 humbje jete janë raportuar nga Ministria e Shëndetësisë në 24 orët e fundit. Viktimat, përkatësisht të moshave 73 dhe 85 vjeç kanë ndërruar jetë në këto 24 orë të fundit, si pasojë e infektimit me koronavirus. Në këtë interval kohor janë kryer 7634 testime si dhe janë shëruar 1754 qytetarë, duke e çuar numrin e të shëruarve në 214633 që prej fillimit të pandemisë. Numrin më të lartë të të infektuarve e ka kryeqyteti, me 1112 të prekur me covid në 24 orë, e ndjekur nga Durrësi, Vlora, Shkodra, Fieri, Gjirokastra e Saranda. Në njoftimin zyrtar të Ministrisë së Shëndetësisë thuhet në të gjithë vendin aktualisht janë 23593 qytetarë të infektuar me covid-19. Sa I takon situatës në spitale, aktualisht po marrin trajtim mjekësor 134 pacientë, nga të cilët 14 janë në gjendje më të rënduar.