Raportohet se një nëndetëse që përdorej nga turistët për të parë rrënojat e Titanikut është zhdukur në Oqeanin Atlantik. Gjurmët e nëndetëses humbën dhe një mision kërkimi dhe shpëtimi është duke u zhvilluar, konfirmoi Roja Bregdetare e Bostonit. Nëndetëset e vogla mbajnë herë pas here turistë që paguajnë për të vizituar rrënojat e Titanikut. Është e paqartë se sa njerëz ishin në bordin e nëndetëses kur ajo humbi gjurmët. Rrënojat e anijes së famshme Titanik shtrihet 3,800 metra në fund të Atlantikut, rreth 600 kilometra (370 milje) nga brigjet e Neëfoundland, Kanada. Anija e pasagjerëve, e cila ishte anija më e madhe e kohës së saj, goditi një ajsberg në udhëtimin e saj të parë nga Southampton në Nju Jork në vitin 1912. Titaniku është eksploruar gjerësisht që nga zbulimi i rrënojave në 1985.