ChatGPT, modeli i chatbot i bazuar në inteligjencën artificiale, është ndaluar deri sa të respektojë disiplinën mbi privatësinë. Autoriteti për mbrojtjen e të dhënave personale në itali, ka vendosur me efekt të menjëhershëm, kufizimin provizor të trajtimit të të dhënave të përdoruesve nga OpenAI, shoqëria amerikane që ka zhvilluar dhe menaxhon platformën. Autoriteti për mbrojtjen e të dhënave personale në itali, flet për mungesë informacioni për përdoruesit dhe të interesuarit, të dhënat e të cilëve mblidhen nga OpenAI, po mbi të gjitha për mungesën e një baze juridike që justifikon mbledhjen dhe ruajtjen masive të të dhënave personale me qëllim ‘stërvitjen’ e algoritmeve me të cilat funksionon platforma. Sic kanë dëshmuar verifikimet, informacionet e dhëna nga ChatGPT, jo gjithnjë korrespondojnë me të dhënat reale, duke përbërë kështu një trajtim të pasaktë të të dhënave personale. Vec të tjerash, pavarësisht se shërbimi i referohet përdoruesve mbi 13 vjec, autoriteti ka evidentuar se mungon cdo lloj filtri për verifikimin e moshës. ChatGPT është kthyer në fjalë kyce këto kohë. për të flasin të gjithë, shumëkush me frikë, të tjerë e konsiderojnë revolucionin teknologjik të radhës. Por, Microsoft ka investuar miliarda dollarë në këtë produkt.