Top News – Alarm i kuq për inflacionin dhe borxhin /Ibrahimaj e prerë – Asnjë ndryshim në taksim

Ministrja e Financave dhe Ekonomisë, Delina Ibrahimaj pasqyroi gjithë panoramën ekonomike në vendit, ku bie në sy niveli i lartë i borxhit publik dhe inflacionit në vend. Duke folur me gjuhën e shifrave, Ibrahimaj deklaroi se inflacioni për muajin maj ka arritur në nivelin e 6.7 për qind, një nivel ky shumë i lartë krahasuar me një vit më parë, ndërkohë që borxhi publik gjithashtu rrezikon financat e vendit. Në përllogaritjet e ministrisë të financave rezulton që borxhi publik të ketë prekur nivelin e 69.6 për qind të produktit të brendshëm bruto. Në këtë situatë ekonomike, Ibrahimaj deklaroi se po rishikohet buxheti për të miratuar një tjetër paketë të mbështetjes për shtresat në nevojë.