Virginia Giuffre, e cila akuzoi financierin amerikan Jeffrey Epstein dhe Princin Andreë të Britanisë për abuzim seksual, i ka dhënë fund jetës në shtëpinë e saj në Australi, tha familja e saj të shtunën. "Me zemër të thyer njoftojmë se Virginia ndërroi jetë mbrëmë në fermën e saj në Australinë Perëndimore," tha familja në një deklaratë. "Ajo humbi jetën nga vetëvrasja, pasi ishte viktimë e përjetshme e abuzimit seksual dhe trafikimit seksual." Giuffre, një shtetase amerikane dhe australiane, ishte 41 vjeç. Ajo akuzoi miliarderin e ndjerë amerikan Epstein se e përdori atë si skllave seksuale. Princi Andreë mohoi vazhdimisht akuzat e saj për agresion seksual mbi Giuffre kur ajo ishte vetëm 17 vjeç dhe i shpëtoi gjyqit duke paguar një dëmshpërblim multimiliona-dollarësh. "Nuk ka fjalë që mund të shprehin humbjen e rëndë që ndiejmë sot me ndarjen nga jeta të Virginias sonë të dashur", tha familja, duke kujtuar "guximin dhe shpirtin e saj të pabesueshëm ".