Harvey Ëeinstein u dënua me 16 vite burg nga një gjykatë në Los Anxhelos për abuzim seksual. Një juri e shpalli atë fajtor për përdhunimin e një aktoreje dhe të një modeleje italian, në vitin 2013. Ky vendim i shtohet më shumë se 20 viteve burg që një gjykatë në Nju Jork dha për 70-vjeçarin, në vitin 2020, duke çuar në rënien e mëtejshme të manjatit të dikurshëm të kinematografisë, i cili u bë një magnet për lëvizjen #MeToo. Harvey Ëeinstein iu drejtua gjykatës të enjten duke thënë se ishte i pafajshëm. Fjalët e tij bënë që gruaja, për të cilën ai u dënua, nën akuzat për përdhunim, të shpërthente në të qara në gjykatë. Ajo foli për traumën e sulmit dhe i kërkoi gjykatësit ta dënonte Harvey Ëeinstein me afatin maksimal të mundshëm. Më shumë se 80 gra, përfshirë dhe aktore të famshme, e kanë akuzuar regjisorin për ngacmime seksuale e agresion. Vendimi u mor pas dëshmisë së ish asistentes së produksionit, Miriam Haley e cila tha se Ëeinstein e detyroi të kryente marrëdhënie intime me të në vitin 2006, si dhe dëshmisë së Jessica Mann, e cila tha para gjykatës se Ëeinstein e kishte përdhunuar në vitin 2013. Ëeinstein ishte dikur një nga figurat më të rëndësishme të parajsës së filmit e fitues i mjaft çmimeve Oskar. Pamjet: AFP