Elon Musk publikoi rezultatet e një testi antidrogë, në përpjekje për të hedhur poshtë akuzat për përdorim të lëndëve narkotike, të cilat u shfaqën gjatë fushatës presidenciale të Donald Trump për vitin 2024. Një raport i bujshëm i Neë York Times, i publikuar muajin e kaluar, pretendonte se Musk, një ndër mbështetësit më të mëdhenj financiarë të Trump. përdorte ketaminë, ekstazi dhe kërpudha haluçinogjene, duke cituar burime pranë miliarderit. Të martën, disa javë pas publikimit të këtyre pretendimeve, Musk ndau në platformën X një dokument që sipas tij është rezultat i një testi laboratorik të kryer më 11 qershor në Teksas. Rezultatet tregojnë se Musk ka rezultuar negativ për substanca si amfetamina, ekstazi, kokaina, ketamina, kanabinoidet dhe fentanili. Sipas këtij dokumenti, nuk është gjetur asnjë gjurmë droge në trupin e tij.