Presidenti Ilir Meta vijon me akuzat dhe sulmet ndaj qeverisë dhe kryeministrit Edi Rama. Në llogarinë e tij në Facebook, Meta ka shpërndarë një postim të ish-deputetit Kastriot Islami, i cili shkruan se me ardhjen në pushtet të Ramës, nisi “varfërimi i shqiptarëve, nënshtrimi i tij dhe nxitjen e emigrimit”. “Kush po i zhyt shqiptarët në borxhe dhe varfëri? Faleminderit Prof. Kastriot Islami për qartësinë!”, shkruan Meta. Sipas ish-deputetit, shqiptarëve iu rrit borxhi deri në 21 mijë euro për çdo familje dhe PBB për 7 vjet, u rrit vetëm 1.2 miliard euro. “Me ardhjen ne pushtet Rama nisi varferimin e shqiptareve, nenshtrimin e tyre dhe nxitjen e emrigrimit te atyre qe nuk pranonin te neshtroheshin... Prandaj rriti borxhin me 1 miliard euro ne vit, nga te cilat rreth 800 milion euro shkuan ne xhepat e kupoles se sektit... Shqiptareve iu rrit borxhi deri ne 21 mije euro per cdo familje dhe PBB per 7 vjet u rrit me vetem 1,2 miliard euro nderkohe qe borxhi u rrit me 7,2 miliard euro...??! Kjo eshte tradhetia me e madhe ndaj cdo shqiptari te ndershem, tradheti deri ne vrasje te shpreses per te gjithe dhe te ardhmes per te rinjte e femijte... Prandaj kerkon mandatin e trete qe ti shpetoje ndeshkimit per keto zullume qe ka bere...!”, thuhet në postimin e Kastriot Islamit